(शिक्षणासाठी घरापासून दूर असेलेल्या मुलाने आईची सांगितलेली ही गाथा )
!!!आई तुझी गाथा !!!
!!!आई तुझी गाथा !!!
आई तुझी गाथा कशी
सांगू मी जगताला,
आठवून आज तूला कंठ दाटला,
आई तुझ्या, आठवणीने आज माझा कंठ दाटला...!
अंगाईची धून तुझ्या गुणगुणते कानात
बालपणीच्या दिवसांचे काहूर मनात ,
कोरड्या ठन्न डोळ्यांचा ह्या बांध फुटला .......!
लहानपणी अंगामध्ये भरला व्हता ताप
डोळ्यात वाहे गंगा तुझ्या जागाच सोबती बाप
आज ठेचाळता पुसतो मीच रक्ताला ......!
लेकरांच्या सुखासाठी चंदनापरी झिजलीस
आम्हा देऊनी भाकर तू उपाशी निजलीस
ऊब तुझ्या मायेची भासता तुझी वाकळ संगतीला ....!
मिणमिणत्या या पणतीला मशाल केलया
भरकटलेल्या नावेला या किनारी नेलया
चुकलो जर वाट कधी तुझे शब्द सोबतीला .....!
आठवतो माते तुझा कष्टाळला घाम
आई तुला देईन मी सुखाचा आराम ,
लोक सारी सलाम करतील तुझ्या या काठीला ......!
शिकून मी मोठा होईन नाव काढतील लोक
पायावर माते तुझ्या सुख आणीन कैक
महाल मी करीन आई आपल्या झोपडीला
पायावर तुझ्या ठेवीन काढून जीवाला ......!
आठवून आज तूला कंठ दाटला,
आई तुझ्या, आठवणीने आज माझा कंठ दाटला...!!!!
©तुषार वाजे (नाशिक)
संपर्क : 9273572706
कोणत्याही टिप्पण्या नाहीत:
टिप्पणी पोस्ट करा