*प्रेम दिवसाच्या सर्वांना शुभेच्छा !!!
प्रेम करावं आईच्या पायी पडल्या भेगांवर
पुसट होत चाललेल्या बापाच्या हातावरल्या रेघांवर ....
प्रेम करावं आईच्या जीर्ण झाल्या पदरावर
आयुष्य सांधताना फाटलेल्या बापाच्या त्या सदऱ्यावर ....
आपलं बालपण बघितलेल्या कौलारू घरांच्या गावावर ....
काळासोबत पुसट होत चालल्या आपुलकीच्या नात्यांवर....
प्रेम करावं आजीच्या पंचतंत्रातील गोष्टींवर
अन प्रेम करावं आजोबांच्या वाढत्या वय पासष्टीवर .....
चेंडू लागून पडलेल्या दुधाच्या त्या दातावर .....
जीवाला जीव देणाऱ्या सखा यार अन मित्रावर.....
सह्याद्रीतून घुमणाऱ्या घोड्याच्या त्या टापांवर ......
भूमातेच्या रक्षणासाठी सीमेवर उभ्या रक्षकांवर....
कुशीतून सोनं पिकवणाऱ्या त्या काळ्या मातीवर....
शेजारणीचा नाद सोडून आपल्या आपल्या बायकांवर.....
अन कायम कविता सुचावी म्हणून नटणाऱ्या त्या देखणीवर .....
जात-पात- धर्म विसरून प्रेम करावं साऱ्यांवर....
*प्रेम दिवसाच्या सर्वांना शुभेच्छा !!!
कवी :तुषार वाजे (नाशिक)
कोणत्याही टिप्पण्या नाहीत:
टिप्पणी पोस्ट करा